Գաղափար
Ինգրեդիենտը առողջ կյանքի համն է:
Ինգրեդիենտը հարթակ է, որտեղ չկան մանրուքներ: Սննդի լավագույն փորձագետներ, լավագույն խոհանոց, լավագույն մթերք, լավագույն բաղադրատոմսեր, լավագույն համադրումներ: Եվ վերջապես մասնագետներ, ովքեր կօգնեն և խորհուրդներ կտան, խոհարարներ, ովքեր ստեղծում են համեղ և օգտակար ճաշատեսակներ, տեխնոլոգիաներ, որոնք փորձված են, ընկերներ` ովքեր կպատմեն և կուղղորդեն Ձեզ: Նոր գիտելիքներ, զգացողություններ, կյանքի նոր որակ:
Պատմություն
Ինգրեդիենտը բրենդ է, որը ստեղծվել է սննդաբան Վարդանուշ Պետրոսյանի երկարատև աշխատանքի` առողջ սննդի և առհասարակ առողջ ապրելակերպի պրոպագանդայի նպատակով: Հայաստանում նման նախագծի ստեղծումը վերջին 15 տարում չափազանց սպասված էր ու պարզապես անհրաժեշտություն: Եվ յսօր այս գաղափարը դարձել է իրականություն` միավորելով մեկ բրենդի մեջ մասնագիտացված խանութ-սրճարան, դետոքս ծրագիր, օնլայն «Թմբլոշիկադադար» ծրագիրը, ինչպես նաև համեղ ու առողջ սրճարան, որտեղ մարդիկ կարող են հանդիպել, սովորել, պարզապես փորձել, շփվել և վայելել կյանքի առողջ համը միասին:
Փիլիսոփայություն և արժեքներ
Առողջ ուտելը հաճույք է
Առողջ սնունդ ընդունելը բոլորովին էլ ձանձրալի ու «անհամ» երևույթ չէ: Միանալով մեզ դուք կբացահայտեք հակառակը` առողջ սննդակարգը ուղղակի կարող է բավականություն պատճառել և ավելին` վերականգնել համի իսկական զգացումը:
Անհատական մոտեցում
Մենք հավատում ենք,որ յուրաքանչյուրի սնունդն ու սննդակարգը անհատական է և յուրօրինակ, ինչպես յուրօրինակ է յուրաքանչյուրը մեզանից: Մեր բոլոր ծառայությունների մեջ փորձում ենք առավելագույնս պահել այդ սկզբունքը:
Կրթություն և ընտրության ազատ հնարավորություն
Մենք կիսում ենք մեր տարիների փորձն ու անընդհատ թարմացվող գիտելիքները առողջ ապրելակերպի մասին: Միաժամանակ հարգում ենք սնվելու Ձեր ընտրությունը: Եվ առաջարկում ենք առողջ Ինգրիդիենտներ Ձեր ցանկացած նախասիրությանը համապատասխան. թե մսակերների, թե բուսակերների, թե հումակերների, թե քաղցրակերների, թե առանց գլյուտեն ու առանց լակտոզ սնվողների համար:
Վստահություն և հավատարմություն
Մեր պարտականությունն է ապահովել մեր հաճախորդների առողջությունը և բարեկեցությունը:
